Shillong: Ka All Meghalaya Karate-Do Association (AMKA) kaba la sdang naduh ki snem 1981 ka dei kaba Association kaba ju ai jinghikai martial arts la 40 snem mynta, bad na ka liang ka AMKA ka ai ka jingshai sha baroh ki kmie ki kpa jong ki samla kiba don hapoh kane ka Association ba kane ka Association kan dang iai bteng ban ai ia katei ka jinghikai, hadien ba la don ki khubor ham-saia ba nalor katei ka Association, ka la mih pat sa kawei ka kynhun ai jinghikai karate ban pynlong ia kawei ka lympung karate ha Shillong ha kine ki taiew ban wan.
U President jong katei ka Association u Hunlang Lytan u ong, ba ka AMKA ka la dep ban register naduh u snem 1987 bad ka la ioh ruh ka jingithuh da ka All India Karate-Do Federation (AIKF) ha u snem 1988 hadien ka jingtrei shitom ki dkhot jong kane ka Association hapoh ka jingialam jong u Sensei Stephan Leong. Shuh shuh ha u snem 1993 ka AMKA ka la ioh ruh ka jingithuh da ka Meghalaya Government bad ka State Sports Council of Megha laya bad ha u snem 1996 ka Meghalaya State Olym pic Association (MSOA), kumta u Lytan u la pynshai ba ka AMKA ka dei hi tang kane ka Association ha ka jylla Meghalaya kaba thikna bad kaba la ioh ka jingithuh na kitei ki kynhun kiba hakhmat jong ka ri India.
Ki Karatekas hapoh ka shatri jong ka AMKA ki dei kiba la ju ioh ban iashim bynta ha ki lympung bapher bapher da kaba ioh ban khur ia ki medal kum ha ka National Games bad ka SAFF Games. Na kane ka Asso ciation, ki karatekas ki la wan ba-ar ruh ha ka lym pung 2nd North East Olym pic Games 2022 bad dang shen ka Saralin Rynghang ka la ioh ban shah jied sha ka jingleit pyni ia la ka sap ban ioh leit mihkhmat na ka ri India sha ka lympung ka ban sdang shen ka Asian Games.
Ka AMKA ka ai ia ki jinghikai naduh ki khynnah ba dang rit bad ka don ruh ia ki tnat ai jinghikai jong ka, ha kylleng ka jylla Meghalaya bad na kine ki tnat ka ju pynlong ia ki lympung iakhun kum ki school championship bad ka Statewide championship da ka jingioh shim bynta lang naduh ki sub-junior haduh ki senior ha kitei ki lympung.
Kumta ki paidbah ba bun hi ki tip bad iohi ba ka AMKA ha kine ki 42 snem ba la leit ka la trei shitom ban wanrah bad kyntiew ia ka karate ha Meghalaya da kaba ioh ban kheit ia u soh ka jingwanrah burom ia ka jyla hi baroh kawei.
Phi don ban ong eiei?