Yn ia treilang ka NPP bad ki seng riewlum ha ka MP & MDC

Shillong,16K’lyngkot:
Ka National People’s Party (NPP), mynta ka kynti ka la shim ia ka rai ban nym pynieng kyrtong ha ka MP Lok Sabha, na Shillong Constituency; hynrei kan ai pat ka jingkyrshan ia u kyrtong monlang uba ki seng riewlum hapoh ka jingialam ka MPF kin pynbna. Ka NPP ha ka jingialang jong ka State Executive Committee jong ka mynta ka sngi ka la shim ruh ia ka rai ban ia kren shuwa bad ki seng riewlum hapoh ka MPF na ka bynta ka elekshon MDC 2014 kaba ka seng ka la thmu ban pynieng ha KHADC bad JHADC.
U James Sangma u nongmihkhmat ka NPP, u la ong ba ka seng kan ia ia kynduh ban ia kren sngewthuh jingmut shuwa bad ki seng riewlum hapoh ka MPF bad hadien kata ka seng kan sa pynbna ia ki kyrtong ba kan pynieng na kino ki Konstitwensi. “Ka thong ba ngi ialeh ban ia treilang bad ki party riewlum ka dei namarba ngi kwah ban pynrem ia ka Congress ha baroh ki MP seat-Shillong bad Tura bad kumjuh ruh ha ka elekshon MDC-2014”.