Shillong: Ka Aam Aadmi Party ( AAP) ka la rai ban pyniakhun kyrtong ha ka elekshon MDC 2019 bad kane ka long katkum ka kyrwoh khubor ba la pyllait paidbah da u bah Wonder Lapang u Secretary jong katei ka seng. Shuh shuh ka kyrwoh khubor ka la pyntip ba ka la jied ia ki nongkitkam thymmai jong ka ha Ri-Bhoi district bad kumjuh ia ki dkhot ka Executive Committee. Ia ki nongkitkam la jied ha ryngkat ka jingdonlang jong u bah Denis Siangshai, Co-Ordinator East Jaintia hills, u Comely Lyngdoh President Youth Wing AAP Meghalaya, diolinda Dkhar State chairperson Women’s Wing AAP Meghalaya. La jied ia u bah Teibor Mynsong kum u district Co-ordinator Ri-Bhoi, u Akbar Rympeit kum u dustrict Secretary, kong Aitihun Lapang District Treasurer, kong Ambolin Lapang District Chairperson Women’s wing ri-Bhoi bad ki dkhot ka Executive Committee.