Ha shwa ka jingniew vote, hynrei ki nongtrei jong ka seng BJP, ki la nang pynkhreh pynkhrum, ban rakhe ia ka sngi ka jingjop mynta ka sngi bad ka jing pynkhreh, ka kynthup ia ka jingthied ia u kek uba 7 kilo, uba don da ki laddoo suda bad nangta sa khyndai tylli kiwei pat ki kek, kiba heh kumba 4-5 kilo bad kitei ki kek, ki shongdor T.1,000 shi kilo, ha kaba yn ia bam paidbah mynta ka janmiet ha ophis heh duh jong ka BJP ha Delhi.
Ki don sa kiwei pat ki jingbam, kiba la shna ha ka dor jong u syntiew Lotus, ha kaba yn ia khawai jop ha ophis jong ka BJP shibit ka janmiet. U Praveen Shankar Kapoor, uba dei u nongkren jong ka seng BJP, u iathuh ba yn thied sa 50 kilo u pista-badam, uba shongdor T.2,000 shi kilo.
Phi don ban ong eiei?