Shillong:Kum shi bynta ban saindur thymmai ia ki briew, kiba ngat ha ki kam sniew; na ka liang ka ka tnad peit byndi (prisons Department) kan shim ia ki lad ki lynti ban ia trei lang bad ka Megha laya State Skill Development Society, la iathuh da u bah M Kharkrang u IPS Inspector General of Prisons.
Mynta ka sngi u bah M Kharkrang, u la ioh ban pyllait ia ki 5 tylli ki UTP van ban kit ia ki koidi kiba dang don hapdeng ka jingshah bishar ha District Jail, ha ka jingiadon lang u Bah S Nongtnger SP ka East Khasi Hills District bad u SP ka Shillong City u bah Vivek Syiem bad kiwei kiwei ki heh pulit.
Ia kine ki san tylli ki kali yn bynta lang ha kiwei kiwei ki District bad kiwei ki sub division. U IG prisons, u bah M Kharkrang u la ong ba ka jingaiti ia kine ki kali ka long ban wan rah ia ka jingkylla ha ka rukom trei kam lyngba ka tnad bindi.
“Nalor ka jing aiti ia kine ki kali ka tnad kan shim ruh ia ka sien jam ban iatrei lang bad ka Meghalaya State Skill Development Society ka ban ai saindur biang ia ki koidi ki ba dang ap ia ka jingbishar na ka bynta ki kam bymman jong ki” u la ong.
Kine ki jingai jing hikai kin sdang shuwa na Shillong District Jail, ki ban kynthup ia ka jinghikai ban shna sabon, ban suh jain, ban thain jain ban ai jinghikai basic computer bad ban rep ban riang bad kane kan long ha ka jingkwah jong ki koidi.
U bah Kharkrang u la ong ruh ba kane ka jinghikai kan kynthup ruh ia ka jingialeh kai indoor bad outdoor sports ka ban ia snoh kti lang bad ka Indian Oil Corporation Limited na ka bynta ka programme, ‘Parivartan-Prison to Pride’ ka ban sdang ha ka 26 tarik jong u bnai baar.
U la iathuh ruh ba na ka liang jong ka tnad ka la dep ruh ban phah ia ka jingtyrwa sha ka sorkar jylla ban pynkylla noh ia ka kyrteng jong ka tnad Prisons sha ka Prisons and correctional services ha kaba ia kane la khmih lynti ba shen kan sa urlong.
U bah Kharkrang u la iathuh ruh ba na ka liang ka tnad ka la pynkhreh ban tei noh ia ka Central Prison ha ka jaka kaba don 25 acra ha New Shillong Township.
Phi don ban ong eiei?