Yn hiar tohkit ki Engineer, ka MSPCB ia ka wah Lukha

Jowai, 22 Naiwieng:
Ki Engineer bad ki nongtrei jong ka Meghalaya State Pollution Control Board (MSPCB) kin hiar tohkit ia ka jingjia kylla rong ka um ha Wah Lukha kaba don ha Narpuh Elaka, East Jaintia Hills District.
Katkum ka tyllong khubor kaba la iohlum, la iathuh ba ka kynhun tohkit na ka MSPCB kin hiar sha katei ka wah ha ka 24 tarik une u bnai.
Kane ka jinghiar tohkit ka long hadien ba katei ka wah ka la kylla rong blue biang ha kane ka taiew ba ladep ha kaba ki paidbah na katei ka thain ki la pynpaw ia ka jinglyngngoh namar kane ka jingkylla rong biang katei ka  wah ka dang bteng wat hadien 18 bnai ka jingkhang tih dewiong.