Yn hiar shuki noh ki dkhot ka MPYC, bym hun ïa ka rukom ai tiket

Shillong:Ki dkhot ka Meghalaya Pradesh Youth Congress (MPYC) ki la thang ïa ka tyngshop jong u Pre sident ka MPPC u ma Vincent H Pala bad jong ka Working Pre sident Deborah Marak lem bad ki arngut ki kyrtong ha Congress ha ka miet jong ka Sngi Thohdieng shabar ka Congress Bhavan ha Tura.

Kine ki dkhot ka MPYC ki la thang ïa kine ki tyngshop na mar ka jingbitar halor ka jingbym hun ïa ka rukom ai ticket ïa ki kyrtong ban aireng ha kane ka ilekshon ban wan.
Ki tyngshop ba la thang ki kynthup ïa ka jong u Ma Vincent, ka Deborah, u Kyrtong ka Gambegre Saleng A Sangma bad u kyrtong ka North Tura Billykid A Sangma.
Kane ka la wan hadien ba ki nongïalam kim shym la mynjur ban pynkylla ïa ka jingai ticket ïa ki kyrtong ba la aipor ban leh hapoh ka 24 kynta.

Ka MPYC ka la dawa ba ki dkhot ka party kiba la pan ïa ka tiket ban ïakhun ïa ka ilekshon la 27 tarik Rymphang, ki dei ban shah jied ha ka jaka jong ki nongïalam na kiwei pat ki party kiba dang shu wan ïasoh bad ka Congress.
Kila bitar eh halor ka rai ban ai tiket ïa u nongïalam ka NCP Saleng Sangma na Gambegre bad u nongïalam barim ka AITC u Reynold M Sangma na Selsella. U Saleng u dei u pyrsa jong u Billykid A Sangma.

Ki nongïalam ka MYPC kila pynbna ruh ba kin sa hiar shuki noh na ka party kum ka jingpyrshah ïa ki nongïalam namar ka jingbym sngap ïa ka jingdawa jong ki.