|
Shillong: Ha ka jingïa kynduh lang bad ki lad pathai khubor mynta ka sngi, u bah Sanbor Shulai, uba dei u kyrtong ha ka jingïakhun sha ka Ïng Dorbar Thaw Aiñ Lok Sabha, u la ong ba mynta ba u khlem jop ha kane ka election, kumta u nongjop un hap ban kitkhlieh halor ka jingpynlong aiñ da ka seng Bharatiya Janata Party (BJP).
 U bah Sanbor Shullai u la ong, “Ho-oid, nga la ong ba lada ki paidbah ki jied ïa nga ngan ïaleh na ka bynta ban pyllait na ka Citizenship Amendmend Bill, hynrei mynta ki khlem vote ïa nga kumta uta uba jop un hap ban kitkhlieh.”
Ha kaba ïadei pat bad ka jingjop jong u bah Vincent H Pala na ka seng Indian National Congress, u bah Sanbor u la ong, “Ha ki lai taïew ba la dep nga ju ïakynduh jan manla ka por ïa ki nognpathai khubor ban ïakren shaphang kane ka ilekshon 2019 bad nga la sngewthuh ba ka seng BJP kan ïoh ïa ka jingjop.”
Halor kane u bah Sanbor u la ai ka jingïaroh bad ka jingkhublei ïa ki nongkitkam jong ka seng BJP hi.
“Ka dei ka jingtrei shitom met bad mynsiem jong ki dkhot. Ka seng BJP ka la trei borbah ban wanrah ïa ka shongsuk shongsaiñ hapoh ka ri,” la ong u bah Sanbor bad u la kdew ruh ba ha kaba ïadei bad ka jingleit ther bomb ïa ka ktem ki kaikhlaw ha Kashmir, u la ong ba kane ka la wanrah ka jingïaroh shibun na kiba bunki ri jong ka pyrthei.
“Ngi ai khublei ïa baroh ki nongtri bad nongkitkam jong baroh ha ri ha bad shabar ri kiba la trei na ka bynta ka lawwei jongka ri,” la ong u bah Sanbor.
|
Phi don ban ong eiei?