Yn eksamin ka sorkar ban thung kam biang ia u khun Bah Denis

Shillong, 9 Jylliew:
U Myntri Rangbah ka jylla u Dr Mukul Sang ma u la pynthikna ba ka sorkar jylla kan eksamin biang halor ka jingthung kam sorkar biang ia u khun u Bah Denis Nong siej uba shah siat iap ha ki pulit Assam ha Langpih ha ka 14 tarik, Jymmang 2010.
“Ngin bishar biang ia kane ka kam bad yn leh ia kaba donkam”, la ong u Dr Sangma haba jubab ia ka Call Attention Motion ba la wanrah da u MLA ka HSPDP Bah Witting Mawsor hapoh ka iing dorbarhynne ka sngi Nyngkong.
Shwa ia kane, u Deputy Commissioner ka West Khasi Hills u Bah S Kharlyngdoh u la weng kam noh ia u khun jong u Bah Nongsiej, u Kardius Syiemlieh.
Ia u Syiemlieh la thung kam da ka sorkar jylla ha ka ophis jong u Deputy Commissioner ban kyrshan ia ka iing jongu namar ka jingkhlad noh u kpa jong u ha ka jingshah siat ha ki pulit Assam.
U Bah Syiemlieh la weng kam noh hadien ba u la trei lai snem.
Haba wanrah ia ka Call Attention Motion, u Bah Mawsor u la ong ba ka jingweng kam ia u ka la ktah ia ka longing longsem.
“Ki hynriew ngut ki para kynthei bad shynrang jong ka longing baduk ki la hap ban sangeh ka leit skul hadien ba u Deputy Commissioner u la weng kam n oh ia u hymen jongki” la ong u MLA ka HSPDP.
U la ong ba ka sorkar jylla ka dei ban thungkam biang ia u bah Syiemlieh khnang ba un lah ban kyrshan biang ia ka longing longsem.