Yn don ka jinghap slap kaba jur, lashai ka sngi ha ka jylla

Shillong: Ka Sohra, ka iai bteng ban hap slap jur, hynnin ka sngi, ha kaba ka jinghap slap, ka poi sha ka 369.2mm. Hynnin ka sngi, ka nongbah Shillong, ka don ka jinghap slap, kaba 60.3mm, katba ha Umiam, ka long 38.4mm.

Mynta ka sngi, ka jinghap slap ha Shillong, ka long 8.6mm, katba ka Sohra, ka ioh 12.6mm bad ka Umiam, ka ioh 6.8mm.

Ka tnat peit mariang ka sorkar India, ka India Meteorological Department, Shillong, ka ai jingmaham, ba lashai ka sngi, kan don ka jinghap slap kaba jur bad kaba jur bha ha ka jylla bad nangta, kan doh ruh ka jingkhie eriong bad ka jingtied pyrthat, ha kiba bun ki bynta jong ka jylla.