Yn deng lama iong ki Gr-IV ha DHS

Shillong, 6 Nailar:
Ha ka kyrwoh khubor bala pyllait da u Skhemborlang Pyngrope Secretary ka Association Grade IV jongka East Khasi Hills district la ong ba ki nongialam jong ka Association ki la rai ban pynlong da ka jingrah lama iong ha khmat ka ophis jong ka DHS ha Laitumkhrah ha ka sngi Palei 8 tarik u Nailar ha ka por 10 baje mynstep.
Kane ka jingrah lama iong jong kane ka Association ka long ban pyrshah jur ia ka jingthung kam beain ha ki tnad bapher bapher jong ka DHS.
Ha kane ka sngi ki nongialam jong kane ka Association ki la kyrpad lang ia baroh ki paidbah ba kin wan ban iadon bynta lang ban ai mynsiem ban kyrshan.