Yn dawa na Delhi, ban weng ia U DGP “Ym ia ka synshar President” ong ka BJP

Shillong, 20 Naitung:
Ki nongialam jong ka seng Bharatiya Janata Party, na ka Jylla, kin leit sha Delhi, ha ki khyndiat sngi ban sa wan, na ka bynta ban ujor halor ka jingthut ka suk ka sain ha Garo Hills.
Na ka jingthoh, la pyni, ba ka jingdawa kaba kongsan, ka long ban weng noh ia U Director General of Police, uba mynta U PJP Hahneman, namar ba kim hun satia ia ka jingtreikam jong utei u heh duh ki pulit Jylla.
Haba iakren bad u nongthoh khubor, U Dipayan Chakravorty, uba dei uwei na ki nongialam ka seng BJP ha ka Jylla bad haba la buh jingkylli, la kin dawa tang ia ka jingweng ia U DGP ne kin ujor ruh pyrshah ia u myn tri rangbah ka Jylla, halor ka jingthut ka suk ka sain ha Garo Hills. Ka jubab na utei u nongialam, ka long “Ka jing ujor, kan long ia ka sorkar baroh kawei, kaba la khlieh da U Mukul Sangma”. Haba la kylli pat, la kin dawa ne em ban pynjari noh da ka synshar President, utei u heh BJP, ula ong “Ka jingdawa ia ka synshar President ka dei kawei pat ka ishu bad ngin iaid kyndon pa kyndon” ula ong shuh shuh.
Ka BJP, ka kynnoh ba ki kam rahbor bad ki kam dawa pisa jubor, ki dei kiba jia man la ka sngi ha Garo Hills. La iathuh ba kin iakren ruh halor ka jingpyntreikam ia ki skhim jong ka sorkar India ha ka Jylla.