Yn dang shim rai ka sorkar ïa ka jaka tei Central Jail

U Symbud Myntri Rangbah ba khmih ïa ka Tnad Home (Prison) Bah Sniawbhalang Dhar ula pyntip ba ka sorkar jylla kan dang ban shim rai ïa ka jaka ban tei ïa ka Central Jail.
“Ngi dang wad ban ithuh ïa ka jaka ban tei ïa ka Central Jail. Shisien ba ngi la dep rai bad hadien ba ngi la dep shna ïa kane ka jail ba thymmai, ngin sa pynkynriah ïa ki koidi na Shillong District Jail,” ula ong.
Ha shuwa kane, ka Sorkar Jylla ka la tyrwa ban tei ïa ka District Jail ha New Shillong Township. Ka Tnad Jail ka la ïasoi ruh ïa ka soskular bad ka Tnad Urban Affairs ban pynkynriah ïa ka Shillong District Jail sha ka New Shillong Township.
“Hynrei, ngi sngew ba ngim lah ban pynkynriah ïa ka jail ba mynta sha New Shillong Township bad ngi dang wad jaka, ka ban long sha khapsor,” ula ong.