Shillong:U Symbud myntri rang bah jong kajylla u bah Prestone Tyngsong ha ba ia kren bad ki lad pathai khubor hadien ka jing ia lang ka Cabinet u la iathuh ba ka sorkar jylla ka la rai ba kan dang pynjlan shuh shuh ia ka jing pakhang shnong kata haduh ka 30 tarik u Iaiong 2020.
Ka cabinet mynta ka sngi, ka la shim ruh ia ka rai ba ka jingkhang ia ka jing ia rung ia mih na kawei ka jylla sha kaewei pat kan dang bteng haduh ban da pynbna da kumwei pat bad ka ym pat shah ban iaid ia ki kali riew shimet khamtam ha ki jaka ba long sor kum ha Tura, Shillong,Jowai. Katba ha ki jaka nong kyndon kan shong ha ki ki Deputy Commissioner jong ki Districtba kin peit bad pynbeit.
U Bah Tynsong u la ong ba ka kabinet ka la shim ia kane ka rai ban ym pat shah ban ia rung ia mih na ka wei ka District sha kawei pat. Ha kaba iadei bad nongbylla kiba dei na ka jylla Meghalaya kiba la sah kut ha ki jaka ba la buh da ka sorkar, ka kabinet kala shah ia ki ban kin leit phai sha ka ki jong ki District hapoh ka jingpeit jong ka Transport Department bad ki Deputy Commissioner ban pynpoi ia ki sha ki shnong jong ki.
Ka jing ia kynduh ka kynhun myntri, mynta ka sngi, ka la mynjur ruh na ka bynta ban ai iarap pisa sha ki 1.2lak ngut bad kitei kin ioh mar T.700 shi taiew, ha ki por jong ka jing khang shnong jong ka sorkar bad kitei kin ioh T.2,100 marwei ha ka pakhang shnong, kaba sdang naduh ka 23tarik Lber haduh ka 14tarik Iaiong 2020.
Ka sorkar Jylla, kan iarap T.3000 marwei sha kito ki samla pule lane kiba trei ruh kumjuh, kiba don kumba 3hajar ngut shabar ka Jylla, ha kine ki sngi jong ka pakhang shnong.
Kiba dei na East khasi hills ki ne em ban mih ban leit Kum na shillong ban leit Sha upper shillong shah ne em
Ki nongniah bad nongbud truck kiba dei na east jaintia hills kiba sah kut sha Assam na ka daw jong kane ka lockdown ki lah ne em ban wanphai.