Yn dang iai bteng ka jinghap slap jur, haduh ka 21tarik ha ka jylla

Shillong: Ka jingbeh jong ka lyer daitthah, ka dang iai bteng na ka Bay of Bengal bad kane kan kiew sha ka thain shatei lam mihngi, naduh ka 17 haduh ka 19tarik mynta u bnai bad na katei ka daw, kan don ka jinghap slap, ha ki bynta jong ka Meghalaya, naduh ka 17 haduh ka 21tarik Jymmang 2022.

Ka jinghap slap ha ki 24 kynta ba ladep, kaba long haduh ka por 8.30 mynta ka step, ki kynthup ia ka Amlarem 220.5, Sohra 369.2, Mawsynram 324.3, Mawkyrwat 136.0, Mawphlang 73.6,Williamnagar 156.6, Khliehriat 133.0, Nongpoh 25.3, Jowai 133.6,Shillong 60.3, Barapani 38.4, Nongstoin 182.0, Tikrikilla 72.0,
Resubelpara 109.4.

Haba khein lang, ia ka jinghap slap, naduh ka 12tarik Jymmang 2022, haduh mynta ka sngi, ka 17tarik Jymmang 2022, ka kynthup ia ka Mawsynram 1978.3, Sohra 1605.4, Amlarem 1544.0, Khliehriat: 1210.2, Mawkyrwat 1184.5, Jowai 1007.2, Mawphlang 702.4, Nongstoin 576.3, Shillong 331.4, Tikrikilla 267.4, Tura 266.6, Resubelpara 212.4, Ampati 143.0.

Ki jaka ki ban shah ktah jur, ha ka jinghap slap, naduh ka 17tarik, haduh ka 20tarik; kin long ka East Jaintia Hills , East Khasi Hills, South West Khasi Hills, West Khasi Hills, West Jaintia Hills, West garo hills, South Garo Hills, North Garo Hills.