Yn dang iai bteng ban ther jur u slap, haduh ka 2tarik Jylliew

Shillong: Hynnin ka sngi, ka jinghap slap 181.6mm, katba mynta ka sngi, ka long 84.6mm, katba ha Shillong, hynnin ka sngi ka long 31.1mm, hynrei mynta ka sngi, kam don satia ka jinghap slap. Ha Umiam, hynnin ka sngi, ka long 45.6mm, katba mynta ka sngi, kam don slap satia.

Ka tnat peit mariang jong ka sorkar India, ka ai jingmaham, ba ha ki 24 kynta ki ban wan, kan don ka jinghap slap kaba jur bad kaba kham jur, ha ki bynta jong ka jylla. La ai jingmaham ruh, ba ka jinghap slap, kaba jur bad kaba jur bha, kan dang iai bteng haduh ka 2tarik Jylliew 2024.