Yn dang hap slap jur, ha ki bynta jong ka jylla

Shillong: Hynnin ka sngi, u slap ha Shillong, ka long 28.8mm, katba mynta ka sngi, ka long bniop bniop. Ha Sohra, hynnin ka sngi, ka long 164.8mm, katba mynta ka sngi, ka long 11.0mm. Ha Umiam, hynnin ka sngi, ka jinghap slap, ka long 8.8mm, katba mynta ka sngi, ka long bniop bniop.

Ha ki 24 kynta ban wan, ka jinghap slap, kan long kaba malu mala lane kaba kham jur, katba ha ki bynta jong ka jylla, kan don ka jinghap slap, kaba jur bad kaba jur bha bad kan don ruh ka jingtied pyrthat bad khie eriong.