Yn buh pulit kynthei ha man ki jaka paidbah

Shillong, 29 Risaw:
U Under Secretary jong ka tnad Political Department ka jylla Meghalaya u la pynbna ba ka iing Kashari ka la bthah ia ka sorkar jylla ba ka dei ban buh ia ki pulit kynthei kiba riam paidbah ha man la ki jaka kum ha ki jaka ap bus , jaka ap kali, ki park, ki cinema bad ha man la ki jaka ba don ki paidbah khnang ban pahara ia kino kino ki ba leh kynshlein.
Katkum ka jingong u Under Secretary la ong ba ka iing Kashari ka la bthah ia ka sorkar jylla ba kan buh ia ka CCTV ha man ki jaka khnang ban iarap ia kino kino ki briew kiba shah leh khlem akor.
Ka Sorkar jylla ka dei ban shim khia ia kane ban bthah ia ki Majistor bad ia ki SP jong ki District khnang ba ka jing bthah jong ka iing Kashari kan treikam, ong ka kyrwoh na ka sorkar.