Yn buddien u CEM, ia ka polisi thungkam ha KHADC

Shillong, 24 Jymmang:
U CEM ka KHADC u Bah Pynshngaiñ N Syiem u la ongba un buddien ia ki kam ka Executive Committee (EC) barim ban thaw iaka polisi thungkam ha KHADC.
“Kane ka dei kawei ka mad kaba hakhmat jong ka EC ba thymmai. Nginpyrshang ban wanrah ia ka jinglong shai ha ka jingthungkam ha ka Council da kaba thaw ia ka Polisi thungkam”, la ong u CEM ka KHADC u Bah Pynshngain N Syiem.U la ong ba ka don ka jingbuh jingkylli ia ka rukom thungkam ha kaCouncil namar ba kam don ka polisi thungkam kaba shai.
“Ngi kwah ban wanrah ia ka jingkylla ha kane ka bynta”, la ong u CEM.    Shwa ia kane, u CEM barim ka  KHADC u Bah Adelbert Nongrum u la ongba ka Council kan thaw ia ka polisi thungkam hynrei um lah ban pyndepnamar ba u la shah pynkhyllem noh.
Ka Synjuk Seng Samla Shnong (SSSS) kham mynshwa ka la lap lyngba kaRTI ba ka jingthungkam ha KHADC ka long kaba thurmur khlem don kapolisi thungkam bad la thung tang da ka mon jong ki politishian. U Bah Syiem  u la ong ba ka EC thymmai kan pule bniah ruh ia kajingkynnoh pyndonkam  bakla ia ka pisa jong ka Khasi Heritage Villageha Mawphlang.
“Ka EC barim ha ka por ba long CEM u Bah Ardent Miller Basaiawmoitka la thung ia ka jingtohkit halor kane. Ngin pule bniah ia ka kaiphodka Inquiry committee shwa ban iaid shakhmat”, la ong u CEM ka KHADC.