Yn buddien biang ia ka FKJGP ia ka bai sawkhmut

Shillong, 17 Naiwieng:
Hadien ar-bnai ba ka FKJGP-Central Body ka la leit ban ai da ka jingthoh sha ka myntri ka tnad pynroi sor ka jylla ka kong Ampareen Lyngdoh ban dawa ban pynhiar noh ia ka bai kali ki kali saw khmut, la iohi ba haduh mynta katei ka jingdawa jong ki kam shym la seisoh namar ba haduh mnta ka bai kali ki sawkhmut ka dang neh kumjuh kumba la pyn kiew dor khyndiat bnai mynshuwa.
Halor katei ka phang ha ka jingiakren bad u Rupang u President ka FKJGP Central Body u bah Joe Marwein u la ong ba la kumba ar bnai mynshuwa na ka liang ka seng ka la leit ban ai jingthoh sha ka myntri, bad ka seng kan hap ban buddien bad ban shong pyrkhat biang halor katei ka kam kaba ka lah ruh ban leit pynkynmaw biang ia ka myntri halor kajuh katei ka mat.
Lah ban pynkynmaw ba khyndiat bnai mynshuwa, ka sorkar ka la pynbna ba ka la pynkiew ia ka dor ki kali sawkhmut, kaba bun ki saw khmut ki la shim kabu ia katei ka jingpynkiew dor ha kaba ki la pynbud ia ka dor ba shong ki Taxi kamai kata tang mar ia shong tiak la ngat ha ka dor T.10 tyngka wat la ki paidbah ki hiar tang hajan.