Yn bteng Lockdown sa 75 kynta ha ki 6 shnong ha EJH

Khliehriat: ka jingpakhang ia ki 6 tylli ki shnong kan iai bteng sa 75 kynta ha East Jainti Hills.

Kine ki shnong ki kynthup ia ka Khliehriat East, Khliehriat West, Dkhiah East, Deinchynrum, Sookilo bad Mookympad kiba la shah pynbna kum ki containment Zones namar ka jingdon ki ba ioh ia u Khniang jingpang Covid 19.

Na ka liang u District Magistrate ka EJH u la pynbna ia kane, hadien ba ka tnad ka Koit ka khiah ka la thoh sha u halor ka daw ba ka tnad kan ioh ban leh janai ia ka Contact Tracing.

Haduh ba la thoh ia kane ka khubor ki don haduh 9 ngut kiba la ioh ia u khniang jingpang lane kiba la long positive ha East Jaintia Hills kynthup ruh ia u driver, u pulit bad kawei ka longkmie kaba shong die jingdie dukan.

Katba ha West Jaintia ki briew jong ka tnad ka koit ka khiah ki dang trei shitom ban peitbniah ia kito kiba iajan bad ki 10 ngut kiba la ioh ia une u khniang kynthup ia uwei uba na Jowai bad kiba bun eh kidei kiba na ka thain Amlarem kynthup ia ka nongdie doh, u Napit bad kiba iajan bad ki.