Yn bteng ka jinghap slap jur, haduh ka 19tarik Jymmang

Shillong: Namar ka jingkhie jur jong ka eriong ha ka Bay of Bengal, kumta ka jinghap slap jur, kan dang iai bteng haduh ka 19tarik Jymmang 2022.

Ha ka 15, 16,17, 18 bad 19tarik Jymmang 2022, kan don ka jinghap slap kaba jur bad kaba jur bha, ha ki bynta jong ka jylla bad ki jaka kiba ka jinghap slap, kan jur bha, ki don ha East Khasi Hills, South West Khasi Hills, West Khasi Hills, East Jaintia Hills , West Jaintia Hills, ha kaba ka jinghap slap, kan jur bha hapdeng ka 15 haduh ka 17tarik Jymmang 2022.

Ha ki 24 kynta ba ladep, ka jinghap slap ha Amlarem ka 335.5mm, Sohra, Mawkyrwat 257.0mm, Mawphlang 183.8, Williamnagar 52.0, Baghmara 95.8, Khileriat 210.0, Nongpoh 14.1, Jowai 291.0, Shillong 41.0, Barapani 20.4, ICAR Umiam 11.0, Mairang 10.5, Tikrikilla 48.2, Resubelpara 28.0.