Yn bteng ka jing iakren pynbeit pud bad ka Assam, ong U SMR

Shillong:U Symbud Myntri rangbah ka jylla u bah Prestone Tynsong, u la kren shai, ba na ka liang ka sorkar Meghalaya Democratic Alliance (MDA), kan iaid beit shakhmat, ban pynbeit noh ia u pud u sam hapdeng ka jylla Assam bad Meghalaya.

Haba ia kren bad ki lad pathai khu bor, na ka liang u bah Tynsong, u la ong ka sorkar MDA kan iai bteng ia ka jingpyn beit ia u pud u sam hapdeng ka jylla Assam bad Meghalaya.

U la bynrap ruh “Lada phi sngap tang ia ki khyndiat kynhun ki briew kiba kwah ban pyrshah, kane kam long, namar ba u ba bun balang hi ha ka jylla, u la kwah ban iohi noh ia ka jingpynbeit noh ia kane ka mat, namar ba ka la buh jingeh la 50 snem mynta”.

Lah ban kdew hangne, ba na ka liang u Myntri rangbah ka jylla u Conrad K Sangma, ha kine ki khyndiat sngi u la pyntip ba ka jingpynbeit ia u pud u sam ha ka wat ba ar, ka ban kynthup ia ki 6 tylli ki jaka kiba hap hapoh ka jingiakajia u pudu sam hapdeng ka jylla Assam bad Meghalaya kan sa long hadien ka jingrakhe ia ka sngi ba ioh jinglaitluid ka Ri, mynta u bnai.