Yn bei pisa ka ADB, ban pynmih bording na ka jaboh ha marten

Shillong, 06 K’Lyngkot:
Ka tnad kam sor ka jylla ka la thmu ban pynkylla kum ka jaka pynmih bording ia ki jaboh ba don ha marten ha Mawlai Mawiong.
Ia kane ka jingthmu yn bei pisa da ka Asian Development Bank (ADB) kaban kot sha ka jinglut ka ban long T. 30 haduh T. 40 klur.
Katkum ka khubor na ka tnad kam sor, ka sorkar ka dang pynkhreh ban pyndonkam ia ki jaboh da kaba pyndonkam da ki buit ka jingstad mynta.
Hynrei, ia mynta ka dang pynkhreh ia ka DPR, ban iarap da ka ADB.
Ki jaboh ba don ha kane ka jaka yn pyndon kam ha kaba pynmih bording, ki plastic yn pyndonkam biang bad katto katne kiwei pat lah ban shna na ka bynta ban theh jaboh.
Yn shna sboh ruh na ki jaboh ba ioh na katei ka jaka, hynrei kane ka jingthmu lah ban leh lada ioh ia ka jingkyrshan na ka ADB, la ong ka thymmei khubor na ka tnad sor.