Yn bei ka sorkar India, T.70,000klur sha ki Bank ban tuid biang ka pisa

New Delhi: Ka Nirmala Sitharaman, myntri pla pisa mynta ka sngi, ka pynbna ban theh tyngka, kaba shongdor T.70,000 klur sha ki Bank bapher bad katei ka dei na ka bynta ban theh kylluid ia ka jingdonkam pisa ha kine ki sngi.

Katei ka jingthmu jong ka sorkar India, ka long na ka bynta ban ailad ia ka jing ia shim bad ai ram pisa jong ki Bank, ka ban tyllun haduh T.5lak klur. Ka Nirmala, ka ong ruh ba ki bank, ki la pdiang ba ia ka jingot ia ka sut bad kiwei ki jing myntoi, ba la pynmih da ka Reserve Bank of India, ba kin sam sha ki paidbah.
Ka Sitharaman, ka kren shai ba ki Bank, kin ailad ha ka sut kaba jem, na ka bynta ban shna iing, thied kali bad kiwei de ki riam kiba duna dor bad ka jingbuh pisa, na ki nongtrei karkhana ruh, kan hiar shi katdei, ha ka por ba ki shim ram, ong ka myntri.
La ong shuh shuh da ka Sitharaman, ba ki Bank, ki dei ban pynphai ia baroh ki kot ki sla jong kito kiba shim ram na Bank hapoh 15 sngi, hadien ba ki la dep siew lut ia ki ram jongki.