Shillong:Ka sorkar India ka la pyntreikam ia ka Pradhan Mantri Awas Yojana naduh u snem 2015-16 ban ai jingiarap ia ki longiing ha ki jaka nongkyndong bad jaka sor ban shna ia ki iing ha kaba la pynbiang ia ki jingdonkam. Hapoh ka PMAY, la dep ban shna 4.21 klur tylli ki iing na ka bynta ki longiing kiba duk hapoh ki skhim shna iing ha ki 10 snem ba la leit.
La shna ia baroh ki iing hapoh ka PMAY kiba don ia ki painkhana hapoh iing, ka LPG, ka bording elektrik, ka kor um kaba treikam bad kiwei kiwei lyngba ka jingpyniasoh lang bad kiwei kiwei ki skhim jong ka sorkar pdeng bad ki sorkar jylla.
La rai ha ka jingialang jong ka Kynhun Myntri mynta ka sngi ban ai jingiarap sa 3 klur ki longiing ha ki jaka nongkyndong bad jaka sor ban shna ia ki iing, ban pynurlong ia ki jingdonkam ba mih namar ka jingkiew ka jingdon ki longiing kiba dei ban ioh ia kane.
I want this…