Yn ai ka tnat iada ri, ia 12.45 acre ka jaka ban tih surok sha Tamabil

Ka tnat iada ri jong ka sorkar India, ka la mynjur ban ai sha ka sorkar Jylla, ia ka jaka kaba heh 12.45 acre, na ka bynta ban nang pynheh ia ka surok na Shillong sha Dawki.

Katei ka surok NH 40, ka sdang na Jorabat sha Tamabil (Dawki) bad ka jrong 162.661 km.

U Ajay Kumar, Secretary iada ri jong ka sorkar India, u thoh ha ka tweet jongu, ba katei ka tnat, ka la ai ia ka jaka kaba12.45 are kaba don ha Rilbong, na ka bynta ban pynheh ia katei ka surok NH 40.

Katei ka surok kaba na Shillong sha Dawki, ka jrong 82 km bad ka kynthup ruh ia ka jingkieng ha wah Dawki, ha kaba yn bei pisa da ka JICA.

Na ka bynta katei ka surok, la pule bniah da ka M/s Transys Consulting Private Limited, kaba na New Delhi.