Yn ai jinghikai ialehkai Cricket ka EKHCA

Shillong: Ka East Khasi Hills Cricket Association (EKHCA) ryngkat ka Meghalaya Cricket Association (MCA) kan pynlong ia ka prokram ai jinghikai ia ki khynnah kynthei kiba hapoh 22 snem ka rta naduh 21 tarik mynta u bnai haduh 6 tarik u Iaiong.
Ha ka 21 haduh 23 tarik yn pynlong ia kane ka prokram ai jinghikai ha Sohryngkham na ka bynta ki khynnah kynthei ka thain Laitkor haduh Mawryngkneng bad Mawkynrew Block.
Katba ha ka 28 haduh 30 tarik mynta u bnai yn pynlong ia kane ka prokram ha Sohra na ka bynta ki nongialehkai ka thain Mylliem haduh Pynursla bad Sohra, Shella, ha ka 4 haduh 6 tarik Iaiong yn pynlong na ki khynnah ka thain Upper Shillong haduh Mawsynram bad Sohiong, Nongspung ha Upper Shillong.