Yn ai jaka ha Iewduh ia ki nongdie madan

Shillong, 9 Nohprah:
Mynta ka step ka Hima Mylliem ka la khot jingialang ia ki nongdie madan , ha katei ka jingialang ki la don kumba 40 ngut eiei ki nongdie madan kiba la wan sha Hima Mylliem, Mawkhar. Kitei ki nongdie madan kiba la leit jingialang ki dei kiba don ha ka kynhun jong u Goldy Warjri kiba shongdie ter ter shaduh Stand Jeep.
Ha katei ka jingialang kitei ki nongdie madan ki la iathuh ba ka Hima Mylliem ka la kular ia kitei ki nongdie madan ban ai jaka ia ki hapoh Iewduh, namarba ia kito kiwei pat kiba shongdie hakhmat ka R.B Store la pyllait noh na ka jingshah khynra ha ka Municipal namarba ka Hima ka la bahkhlieh.