Ymdei ban shim kabu bad ka jingaikam bad ka jing pynkhein ain,ong u bah Paul

Shillong: Myn hynnin ka sngi u bah Paul Lyngdoh haba iakren bad ki lad pathai khubor ha kamra treikam jong u, u la ong ba ymdei ban pynkhleh bad ka jingaikam ia ki samla ka muluk da ki kompeni ba nabar katba ki pynkhein ne iuhroit pat iaki kyndon ha ka jylla khamtam ha KHADC.
Kane kadei halor kajingleit buh jing ujor jong ki samla kiba trei haka kompeni Swiggy ba kitei ki samla ki la ong ba lyngba jongka ki iohkam ban kamai jakpoh bad ki shngain haduh ba maki ki la shim ram ban sei iaki thuk thuk jongki ban trei hakane ka kompenibad mynta naka liang ka KHADC ka la leit khang noh namar ka khlem leh iaki jingdonkam ban applai laisen.
Shu shuh,u laong ruh ba shubuh tang namar ba ka hospital ka ai jingsumar ba paka yn shu shna beit ia ka hangno hangno khlem da pan iaka jingbit na ka MUDA shwa bantei ,ne lada ka skul ka pyn pass bha iaki khynnah jongka kan leit shna iing skul beit ha surok PWD,kam lah ban long u la ong shuh shuh ba hap ban burom bad bud iaki kyndon jongka ta ka nongpeit.
U la ong ba kine ki samla ki dei ban da pule iaki rul ka Distrik konsil khnang ban shai.Hooid ka jingdon bad jingshim khia jongka KHADC ban pyrkhing kan dei ka jingshngain iaki hi namar ki kompeni kim wan hangne ban shakri kumto hynrei ban wan kamai spah ialade,u la bynrap.
U la iathuh shuh shuh ba shibun ki ain kiba iadei bad kane kajuk mynta la pynkhreh bad ba ynsa pass hakane ka session ban sa long shen namar ka por ka la iaid, kum ka nuksa ia ki online shopping ka ain mynshwa kam pat don,hynrei ka konsil ka la pynkhreh ban kynthup lut ia baroh ki jait kam katkum ka juk.
Leit iakynduh ki samla ka Swiggy ia u bah Paul
Hynnin ka sngi ki samla kiba trei ha ka kompani Swiggy ki la leit ban buh dorkhas ha u bah Paul Lyngdoh ubadei u in charge ka trade ha KHADC ban kyrpad ia u ban pynpaw ia ki jingeh jongki lada khang iaka kompeni swiggy namar don na ki ki la sei thuk thuk da ka ram khnang ban khamsted ki kam ban trei hangtabad ki ong ba lada shah khang noh kumno kin siew ia ka ram ba man u bnai bad kumno kin kamai jakpoh namar ki sngew imnong bha ban trei haka ne ka kompani.
Shu shuh u bah Hamari Rangad bad u Ordinally Laloo, ki kubur ba ka kompeni hi kam pynbiang iaki kot kisla bad ka jingleh jongka KHADC ban khang ruh ka long kaba shongnia, hynrei na ka liang jongki ki kwah ban kyrpad ban shah ba kan plie biang khnang ba kan ym ktah iaka jing bylla jong ki.