|
Da ki taiew u tower Vodafone um treikam shuh ha Sonapyrdi, Myrli bad Shymplong. Kane ka jingbymtreikam shuh une u tower katei ka company ba don ha Shymplong ka wanrah ka jingeh ia kito ki paidbah ba pyndonkam ia katei ka simcard. Ka la mih ka jingkhñium na ki paidbah namar ka thut ka ka kam ka jam bad ha ka jingiadei kam lyngba ka phone. Kumba long mynta ki paidbah ki ai jingiaroh ia ka jingtrei bha u tower reliance Jio, namar kane ka company ka ai jingshakri ba pynhun ia u paidbah.
Na ka liang jong ka KSU Sonapyrdi unit ka kyntu ia katei ka company Vodafone ban pynbiang network sha ki paidbah katei ka thaiñ kumba juh long ha por ki sngi ba la leit ban ioh jingmyntoi ha baroh ar liang.
Ha kawei pat ka liang, ka KSU Narpuh Circle ka kyntu ia ki bor pulit ba don hapoh ka thaiñ ban ialeh shitom ban weng kloi ia ka jingdheng kali kaba jur ha ki thaiñ malidor bad Ratachera kaba wanrah ka jingeh ba khraw ia ki paidbah ha ka leit ka wan, ka khaïi pateng bad khamtam eh bapli ia kiba pang ba shitom. Ngi la iohsngew ia ka jingud ki paidbah namar kane ka jingsah kut kali naduh ka sngi ba ar (Tuesday) mynta u bnai bad jin haduh mynta. Kumta ka seng ka kyntu ia ki bor jong ka aiñ ban shimkhia ban teh lakam ia kane ka jingeh dheng kali kaba la pynsuhsat shisha ia u paidbah.
Kyrwoh na u Samla S.L.Suchiang
Asst. General Secretary KSU Sonapyrdi Unit bad samla Deibormi Dkhar General Secretary KSU Narpuh Circle
|