Ym treh kren lad pathaikhubor u kyrtong NPP na Umroi, hadien ba la mih na jaka thep kyrteng

Nongpoh: Na ki 5 ngut ki kyrtong ka NPP ha Ri Bhoi, ki la wan ban thep kyrteng mynhynnin ka sngi ha ophis u Deputy Commissioner ka Ri Bhoi, dei tang u u Damanbait Lamare, kyrtong ka NPP na Umroi bad uba dei ruh u khun jong u Ma Ngaitlang Dhar, MLA barim ka Umroi, uba la mih jyndat tang mar ia dep ka thep kyrteng bad uba la kiar ruh ialade ban kren na ki lad pathaikhubor.

Ka long ruh ka jingshisha, ba lait na u Damanbait Lamare, kyrtong na Umroi, hynrei ki 4 ngit ki kyrtong ka NPP kiba kynthup ia u Bah Shemphang Lyngdoh, kyrtong na Mawhati, nangta u Bah Sosthenes Sohtun, kyrtong na Jirang, u Bah Jason S. Mawlong na Umsning bad ka Kong Macdalyne S. Mawlong na Nongpoh, ki la kren da ka jingphuhmut phuhmat sha ki lad pathaikhubor bad kiba la pynpaw ialada ki nongrim, halor ka jingthmu bad ka jingangnud jong ki, kata kum kita ka ki kyrtong ka NPP.