Shillong: Ka seng Congress, myn hynnin ka sngi ka la pynpaw ba kan ym treh ban pan jingbit na ka bynta ban ia kynduh ia u myntri kam poh iing ka sorkar pdeng u Amit Shah, ha ka sngi ba un wan sha nongbah Shillong.
Haba iakren bad ki lad pathai khubor, u nongialam ka Congress u Zenith Sangma, u la ong ba ka seng Congress ka khlem pan por ban kynduh ia u myntri kampohing ka sorkar pdeng namar kane ka jingwan jong u, kumba ka paw na ki lad pathai khubor ka long ba un wan kum u riew shimet ym na ka kam jong ka sorkar.
U la ong ruh ba baroh ki myntri jong ka sorkar pdeng ki lah ban wan sha ka jylla bad kane kam dei ka kam ba khraw bad kane ka jingwan jong u, kam dei ba u wan na ka bynta ki kam sorkar, ka jingwan jong u ka long “unofficial” bad kaei kata ka jingmut jong kata ruh ngi ruh kim don jingtip”.
U la ong ruh ba kane ka jingwan jong u myntri kam poh iing ka sorkar pdeng ka lah ban dei ruh na ka bynta ka kam jong ka party jong ki, kumta kim sngewdei ban pan jingbit ban ia kynduh ia u.
Phi don ban ong eiei?