Ym syngit u tyllai, ha ryndang ka kong Sahkhar

Shillong: Ka jing peit bniah jong ki doktor ia ka Kong Iohbianghun Sahkhar, mynta ka sngi lalap ba u tyllai u ba don ha ka ryndang jongka um shym la syngit satia haki bynta jong u ryndang.Kam don kano kano ka dak mong ne jingsyndet.Katei ka nongpang kala ju ujor shaphang ka jinghiar jong ka jingkoit jingkhiah jongka naka jingpang Gastric,bad haki khyndiat sngi bala dep ka la sah sumar ialade hapoh hospital bad ka ju lynniar na ka jingpang kaba man ka por bad kala judon ruh haka jingiasyllok ha Woodland bad ha Bethany.
La ioh jingtip ba ka kong Sahkhar kam don jingeh eiei haka pisa pilain, namar ka tulop jongka ka ka la heh.Ka jingtohkit bniah ka dang iaid shakhmat bad iaka met jongka la aiti ha u kpa jongka mynta ka sngi.
Hynnin ka sngi, la lap ia ka metiap jong ka kong Iohbianghun Sahkhar na khlaw Umbir Ribhoi District, ha ka por kum ba 5 baje 5 shiteng eiei.
Ia kane ka metiap jong kane ka long kmie la lap ba la teh da u tyllai plastic na ryndang bad ka metiap la lap ba ka don ha khyndew.
Ha jan jong kane ka longkmie ki don ka juti shiliang bad ka beg rongiong kaba don katto katne tylli ki tiar kum ka tari, ka jingkhaptyrsim, ki dawai homeopathic, u bilor um ka mobile phone bad ka ID card.