Shillong: U dkhot ka National Minorities Commission u Manjit Singh Rai u la wan jurip ia ki jaka sah jong ki khar metor mynta ka sngi kaba don ha them Iewmawlong, Shillong hadien ba la mih ka jingjia ha kine ki sngi.
U Manjit Singh Rai, u dkhot ka National Minority Commission, uba ia kynduh ia U Conrad Sangma ha Shillong:CMO
Ha kane ka jingwad jurip, u la iakynduh ruh ia u myntri rangbah ka jylla u Conrad K Sangma.
Haba kren sha ki lad pathai khubor, u Majit Singh Rai u la ong ba kam da sngew iahap ban pynkynriah ia ki briew ba sah ha them Iewmawlong sha kawei ka jaka, namar ba ki dei kiba la sah da ka spah snem.
Haba kren sha ki lad pathai khubor hadien ba la iakynduh ia u Myntri Rangbah u Conrad K Sangma mynta ka sngi, u Singh Rai u la ong, “Ym sngew iahap ban pynkynriah ia ki briew namar ba ki la sah da ka spah snem”.
U la ong ba ka jingjia ka mih dei na ka jingdon ki katto katne ki riew sniew kaba la wanrah ia ka jingkulmar da kaba thaw ki khubor hamsaia.
“Nga la bishar ia ka jinglong jingman bad u DGP, CS, bad ka jinglong jingman ba jai jai ka la wan phai biang bad nga la sngew hun”, u la ong.