Ym shym pat pynkhuid ka sorkar ia ka Wah Myntdu

Shillong, 18 Jymmang:
Ka National Green Tribunal (NGT), Kolkata, ka la shim bishar mynta ka sngi, ha kaba dei bad ka jingai jingiada bad pynkhuid ia ka wah Myntdu bad ka sorkar Jylla, ka pynpoi ia ki kot ki sla jongka, tang kumba shiphew minit ha shwa ba kan sdang ka jingbishar bad u nongiasaid na ka liang jong U Ma Sajay Laloo, U Amit Kumar, ula kynnoh ba ka sorkar Jylla, kam shym leh eiei bad kam shym burom ruh ia ka rai jong ka NGT, ha kaba ula ong ba haduh mynta kam shym don satia kano kano ka jing pynkhuid ia ki bynta ba don sawdong jong ka Wah Myntdu bad katei ka kynthup ia ka jingtei iing sem, ka jingkurup jaka, ka jingtih shyiap, ka jingsait jain bad kiwei kiba iaid beain ha katei ka Wah
Na ka liang U Todi, Advocate General ka Meghalaya, ula pyni ia ki jingpynkhreh jong ka sorkar Jylla, hynrei, la ong da U bah Laloo, ba kam don satia ka jingshisha, kaba pyni ha madan.
Ka jingshong bishar kan long biang ha ka 26tarik Naitung 2017 bad ka NGT, ka la bthah ia ka sorkar Jylla, ba kan pyni da ki jingshisha kiba shai bha, halor ki kam ki duk jongka.