Ym shym kam khun U Modi, ia ka Priyanka:BJP

Varanasi, 2 Jymmang:
Ka BJP, mynta ka sngi, ka kyntait, ba U Narendra Modi, ula ju ong, ba ka Priyanka, ka long kum ka khun jongu. U nongialam jong katei ka seng, U Ravi Shankar Prasad, ula ong mynta ka sngi, ba kam ju don ka jingkren jong U Modi, ha kaba un ong, ba ka Priyanka, kan dei kum ka khun jongu bad katei ka dei ka jingkren, kaba la shu thaw thok, ong U Prasad.
Dei ban don ka jingtohkit, halor katei ka jingjia, ha kaba yn lap, la ka don ka jingbthah nangno re nangno ban leh thawnang, ia katei ka jingkren jong U Modi.
“Haba U Modi, um ju ong, ba ka Priyanka, ka long kum ka khun jongu, kumno ka mih ha ki kotkhubor” ong U Prasad. Hynrei, ka jingkren jong U Modi, katba kum ka jing ia thuh jong U Prasad, ka long ba ka dei ka bynta jong ka khun kynthei jong ka Sonia, ba kan iada tyngeh, ia la ka kmie bad kumjuh ia la u jong u para jongka ruh.
Na ka liang jong ka Priyanka Gandhi ruh, hynnin, ka la jubab lyngkot ha ki kotkhubor, ha kaba ka kren shai, da kaba ong “Nga dei ka khun jong U Rajiv Gandhi” bad ka ong ruh ba u kpa jongka, u Rajiv Gandhi, ula aiti ia la ka jong ka jingim, na bynta jong ka Ri bad ka ong “Ngam don shuh, da uwei pat u briew, u ba ngan kham ieid, lait noh na u kpa jongnga”.