Ym shuh da ki trok, da ka thuk thuk pynkit dieng ha Bhoi

Shillong: Ka jingjubor ka jingpom dieng ha thain Bhoi ka Meghalaya hapoh ka Hima Jirang, Ri Bhoi District ka la pynlong wat ia ki thuk thuk ban kit dieng, nalor ki trok sha Assam.

Ka jingkit dieng ki thuk ka la ishyrkhei shisha ba ki lah ban kit haduh 2 ne 3 quintal shilynti bad shisngi ki ioh kamai da ki hajar tyngka.

Kumba long mynta ki ‘khar na Assam tang da ka jingsngewthuh jingmut bad katto katne ngut ki briew ki ju wan ban kit dieng da ki kali ar shaka ban kamai jem na ki thain Nongrim Jirang bad na Paham Umshru bad ki leit ban die kylla sha Assam. Hynrei kaba lyngngoh ki bor ba dei peit kum ka tnad khlaw ka sorkar jylla, ka District Council bad wat na ka liang jong ka Hima ruh kim shym leh eiei ia kine ki briew ba wan kit dieng na Meghalaya.