Ym shah Mobile ha jaka thep vote

Shillong,7 Iaiong:
U District Election Officer ka West Jaintia Hills District u la pyntip paidbah ba katkum ka hukum jong u Election Commissioner of India lyngba ka shithi 464/MEG/2008,dated 30.1.2008 ka la pynmih hukum bay m shah ia ki Polling Agent lane ki kyrtong ne ki Election Agent ba kin rah Mobile phone hapoh ka jaka thep vote ( Polling Station) bad kumjuh rurh katei ka hukum kan treikam ia ki paidbah nongthep vote lait noh ki Presiding Officers, Commission’s Observer, Sector Officers, Micro Static Observers bad kiwei pat ki ophisar ba la ai bor da u Returning Officer na bynta ba kin pyndonkam ha ka jingdon kam na bynta ka elekshon.
Ym shah ruh ia ki Polling agent ba kin mih na Polling station ha ka por ba ka jingthep vote ka dang iaid.