Shillong: Hadien ka jingiohi ia ka jingiakhih jong ki nongniah kali kamai ha ka jylla ki ba la sangeh kamai naduh ka 3 tarik u Rymphang 2021 halor ka jingkiewdor eh ka bai petrol bad diesel ha ka jylla, ki kynhun jong ki nongniah bos saw ruh kumjuh ki la shim ia ka rai dang shen ban iasnoh kti lang ha kane ka jingiakhih ban sangeh kamai kaba dei ban sdang naduh hynnin ka sngi saitjain ka 6 tarik u Rymphang 2021; hynrei ka jingthmu ka jong ki ka la pulom noh hadien ka jingpynmih hukum jong u Secretary jong ka Meghalaya Urban Development Authority ba ki dei ban mih bad kamai beit ia ki bos saw bad bad na ka liang jong kine ki nong kamai kim banse ban mih la ka mih ban kamai sha surok bad la iohi ruh ia ki nongkamai arshaka lane ki rapido ba ki dang ap ban kit ia ki nongleit nongwan hapoh Khyndailad.
Ki nongniah bos saw ki la ong ba kim banse ban kamai la ka kamai ha kane ka sngi namar ki dang hap hapoh ka jingpeit jong ka sorkar .
Phi don ban ong eiei?