Ym shah batbor ha ka por ka Kyllang Operation ka HNLC: Adelbert

Shillong,17 Iaiong: Kum uwei na ki nongai jingkren ha ka jingialang iaid paidbah ba la pynlong da ka Seng Kynthei , Upper Shillong Pyllun kaba la long ha ka sngi saitjaiñ jong ka taiew ban pyrshah ia ka jingshah pyniap dusmon ka samla na Sawmer shiteng , u bah Adelbert Nongrum MDC ka Jaiaw u la ong ba ha ki por ba ka Kyllang Operation ka HNLC ka treikam ha ki phew snem ba la dep kam ju don ka jingbatbor kynthei bad ym ju iohsngew ruh ia kaba kum katei ka jingjia. Ula pynkynmaw ha ka tei ka por ki duna bha kiba kum kitei ki jaitkam naba ka HNLC ka ai jingsneng kaba tyngeh ia kiba leh ia katei ka kam da kaba pyndeng tala ia ki.
Ha ka sngi saitjaiñ jong ka taiew da ki spah ngut ki paidbah kynthup naduh ki sengbhalang,ki khynnah skul ki la ia shim bynta ha ka jingiaid paidbah ba la pynlong da ka Seng Kynthei,Upper Shillong Pyllun kaba la sdang naduh ka State Central Library bad pynkut pat ha madan Malki.