Ym shah bam khawai kristmas, mynta u snem, rai ka sorkar

Shillong: Ha ka jingialang kaba la long ha ka janmied jong ka sngi thohdieng, na ka liang u symbud Myntri rangbah u bah Prestone Tynsong u la iathuh ba na ka liang ka sorkar kan ym shah ban pynlong ia ka jingbam khana christmas kum ba ju pynlong man u snem.

Haba iakren bad ki lad pathai khubor na ka liang u bah Prestone u la ong “Ha ka jingialang mynta ka jan miet na ka liang ka sorkar jylla ka la shim ia ka rai ban ym shah ban bam khana christmas kum ba ju long man u snem namar ka khlam Covid-19.”

U la ong ruh ba na ka bynta ban rakhe ia ka christmas ka sorkar ka la shah ban leh kmen ia kane ka sngi ha phyllaw jong ki ingmane.

U la iathuh ruh ba ha ka ba iadei bad ka iaid carol na ka liang ka sorkar ka la rai ban ym shah ban iaid carol na kawei ka shnong sha kawei ka shnong kum ba ju long man u snem.

U symbud myntri rangbah u la iathuh ba ia ka jingiaid carol ki lah ban iaid tang hapoh ka phyllaw jong ka ingmane.