Shillong:Hadien ba ka Sorkar Jylla, ka la pynbna ban pynlong noh ia ka elekshon MDC, hapoh ka iingdorbar thawaiñ jong ka Garo Hills Autonomous District Council(KHADC) ka ban long ha ka 9 u Iaiong 2021, hynrei na ka liang ka seng saiñ pyrthei ka Hill State People’s Democratic Party(HSPDP) kaba ia treilang ruh hapoh ka Sorkar jong ka Meghalaya Democratic Alliance(MDA), kam don jingthmu satia ban pynieng kyrtong ha kane elekshon kaba mynta.
U Bah Renikton Lyngdoh Tongkhar, u ba dei u nongialam jong kane ka seng HSPDP bad ha kajuh ka por u ba dei ruh u Myntri jong ka Sorkar jylla, u la ong ba ka seng hi ia mynta ka dang peit thuh shwa ia ka rukom long rukom man ha shwa ban sei kyrtong u ban iakhun na ka bynta ka elekshon ba shiteng samoi na Mawryngkneng Contituency.
U Bah Renikton u la ong, “Ngim pat iakren eiei ha kaba iadei bad kane, ia mynta ngam pat don eiei ban ong. Ngin iai ap shwa mynta haduh kumba shi bnai ne ar bnai shwa ka elekshon. Ngin sa pyrkhat bad ngin sa peit. Lada kumno kumno ngi ioh u kyrtong u ba wan pan tiket bad u ba don jingkyrmen ban jop, shiteng miet hi ngin don jingialang noh ban shim ia ka rai”.
Phi don ban ong eiei?