“Ym pat trei pura ka NSTDA”

Shillong, 16 Jylliew:
Ka myntri sor ka Kong Ampareen Lyng doh ka la iathuh ba ka New Shillong Township Development Agency (NSTDA) kam pat treikam pura.
“Ha kane ka khyllipmat, ngi dang shu thung ia u project coordinator. Ngi la don u nongai jingmut uba thung da ka kontraktor halor kane”, la ong ka Kong Lyngdoh hapoh ka iing dorbar mynta ka sngi Nyngkong. Ka la iathuh ba u Chief Secretary u dei u chairman ka NSTDA. Haba jubab ia ka jingkylli jong u MLA ka Nongthymmai u Bah Jemino Mawthoh halor ka jingthung ia ka agency, ka myntri sor ka la ong ba kane ka agency ka la pyntreikam ia ka surok kaba 563 meter kaba pyniasoh ia ka Indian Institute of Hotel Management (IIHM).
“Ka jingmang ia kane ka surok ka long T. 1.18 klur”, la ong ka Kong Lyngdoh.