Ym pat shah ban die madan bad ki skul kin dang khang, ong u bah Hek

Shillong: U myntri ka tnad ka koit ka khiah, u bah Alexander L Hek haba ia kren bad ki lad pathai khubor u la iathuh ba ka sorkar mynta ka sngi ka la shim ia ka rai ban ym pat shah ia ki briew ki ban die madan.

U bah Hek u la ong ba halor ka jingeh jong ki briew ki ba kamai jakpoh ki ba shong die jingdie ha madan, la aiti ha u Chief Secretary ban ia kren bad ka tnad urban affair ban wad ia ki lad ki lynti halor ka jingeh kaba ki nongdie madan ki ia kynduh na ka daw ka khlam Covid-19.

u bah Hek u la pyntip ruh ba ka sorkar haduh mynta kam pat long kaba shngain ban plie ia ki jaka pule kumta na ka liang ka sorkar ka la rai ba ki skul baroh kin dang khang shuwa.