Ym pat rai kyrtong na Mawkyrwat: HSPDP

Shillong, 24 Lber:
Ka HSPDP Mawkyr-wat area ka kwah ban pynshai paidbah ba ka khubor kaba la mih ha kine ki khyndiat sngi ba la dep kaba ong “U Bah E.K. Raswai u kyrtong ka HSPDP na Mawkyrwat ha u 2018” ka long kaba bakla bad ka bym don jingshisha eiei.
Haba pynshai halor kane u Bah Nolip Lyngdoh u President ka HSPDP Mawkyrwat area, ka seng u la ong ba ka kwah ban pynshai ba ka party kam pat rai eiei halor iano ban ai ia ka tiket ban ialeh na Mawkyrwat namar ia kane ka kam dang hap ban iakren ha ka komiti kaba dei bad kane ka bynta kaba dei ka Central Election Committee ka party.
“Ngi kwah ban pynshai ruh ba don ar ngut ki riew rangbah kiba la pan tiket na ka party na ka bynta ka election 2018; kita ki long Bah Enbin K. Raswai bad Bah Renikton L. Tongkhar”,la ong ka HSPDP.
Halor kane ka kam ka seng HSPDP Mawkyrwat Area ka dang hap ban ap ia ka rai jong ka Central Election Committee ha shwa ba kan pynbna paidbah ia u kyrtong jong ka, la ong u Bah Nolip Lyngdoh.