Ym pat rai kandidet ka BJP na Shillong, Tura:Mih bujli U Amit Shah, ha ka jaka U Advani na Gandhinagar

Shillong:Kat haduh myn hynnin ka sngi, ka seng BJP, kam pat shym la pynbna satia ia ki kandidet jongka na Shillong bad na Tura ruh kumjuh.
Ki hamsaia ki don kiba pynher ba na Shillong, katei ka seng, kan pyn iakhun ia U Bah AL Hek, uba dei U MLA jong ka Pynthorumkhrah, katba ia ka Tura pat, la sngewthuh ba kin nym buh kandidet satia, hynrei katei ka shu long tang ka jing ia kren antad, namar ba ka khubor kaba shai, kam shym pat la mih na ki nongialam jong katei ka seng na Shillong.
Kiwei pat ki iathuh ki iathuh ba ka seng Bharatiya Janata Party, ka la pynmih ia ka thup jong ki kyrteng ki ban iakhun ia ka elekshon Lok Sabbha 2019 bad kitei ki kynthup ia u Narendra Modi, u ban iakhun na Varanasi bad U Amit Shah, un iakhun na Gandhinagar, ha ka jaka jong U LK Advani, uba ju mihkhmat na katei ka Constituency. U Rajnath Singh, myntri korbar ri, un iakhun na Lucknow bad U Nitin Gadkari, un iakhun na Nagpur.
Mynta ka sngi, la pyllait ia ka thup jong 184ngut ki kyrtong, ong U JP Nadda bad sa tylli ki thup, kin sa mih kham hadien.