Ym pat rai ka sorkar ban khot iakren ia ka GNLA

Shillong,18rymphang:
Shisngi hadien ba ka GNLA ka la pyllait khubor ba ka kloi ban wan sha ka miej jingiakren lada ka sorkar kan pyllait ia u chairman jong ka u Champion R Sangma, u Myntri Rangbah ka jylla u Dr.Mukul Sangma u la ong ba ka sorkar jylla kan peit bniah shuwa ia mynta bad kan shim ia ka rai kham hadien .
“Ngi hap ban peit bniah shuwa ha shuwa ba ngin khot ia kren ia ka GNLA” ong u Dr.Mukul ha kawei na ki jingialang ba u la plie ia ka Multi Centre ha Williamnagar mynta ka sngi bad u la ong ruh ba ka sorkar kan da janai bha shuwa ban shim ia ka rai. U Dr.Mukul u khlem kynthoh eiei halor ka jingdawa ka GNLA ban pyllait ia u Champion lada khot ia kren.
Lah ban kdew ba ka GNLA mynhynin ka sngi ka la pyllait khubor ba ka kwah ban ia kren ia suk bad ka sorkar bad kata ruh lada ka pyllait ia u chairman jong ka uba dang don ha phatok, bad ka la kam ba khlem u chairman kam lah ban pynlong ia ka jingiakren.