Shillong,20 Jymmang: Tang mar ia rem ka Dikanchi D Shira, kyrtong ka seng Congress ha ka elekshon MP shiteng samoi na Tura Parliamentary konstitwensi u myntri rangbah ka jylla u Dr.Mukul Sangma u la kynnoh ba katei ka jingrem jong ka- ka dei namar ba ka don ka jingleh buit tuh ha ka mashin EVM ha kaba u la kren sha kawei na ki ladkhubor ba bun kinongkyrshan jong ka Dikanchi ki artatien bha namarba kam ia hap ka jingioh vote ka kyrtong Congress haba khein bad ka vote ba thep ki nongkyrshan Congress.
Haduh mynta ym pat shym la ioh kano kano ka jingpynshai na ka tnad elekshon halor katei ka jingkynnoh u myntri rangbah u Dr.Mukul Sangma uba la ong ba u dang phah eksamin ha ki stad aiñ jong u ia katei ka kam. Lah ban kdew ba haba kren bad kawei ka kotkhubor u Dr.Mukul u la ong ba ka la don kawei ka jaka kaba ki don 75 ngut ki nongkyrshan Congress kiba la thep sha ka Dikanchi hynrei ha ka resol katei ka jingkheiñ kam mih.
Phi don ban ong eiei?