Ym pat pynbna ka MBoSE ban pynmih result matrik

Shillong: Ka jingmih ki khubor ha ki social media ba ka Meghalaya Board of School Education (MBoSE) kan pynbna ia ka result matrik ne SSLC 2019 ha ka 21 tarik mynta u bnai, ka la pynkyndeh mynsiem ia ki samla pule hynrei na ka liang ka Meghalaya Board of School Education (MBoSE) ka la pynshai ba kam pat don kano kano ka jingpyllait khubor ba kan pynmih ia ka result.

                Haba kren mynta ka sngi bad u Controller of Examination ka MBoSE u bah ER Laloo, u la ong ba ka Board kam pat ai ne pyllait kano kano ka jingpynbna ban pynmih ia ka result matrik watla ka la pyrshang ban pynmih katba lah kumba ju long mynta u bnai hi.

                “Ka jingmih khubor ban mih result kam dei kaba ai ka MBoSE namar ba ngim pat pynbna lano ban pynmih hynrei kumba ju long, ngin pyrshang ban pynmih hapoh mynta u bnai Jymmang hi”, la ong u bah ER Laloo.